Ang All UP Academic Employees Union (AUPAEU) ay nagsasagawa ng sarbey upang malaman kung paano ginamit ng mga guro, REPS, at kawani ng Unibersidad ng Pilipinas ang Professional Development Grant (PDG) na nagkakahalaga ng โฑ25,000 para sa Fiscal Year (FY) 2024, na natanggap noong Enero 2025.
Layunin ng sarbey na maidokumento kung paano ginamit ng mga empleado ang grant at kung paano ito nakatulong sa kanilang propesyonal na pag-unlad, pagpapahusay ng serbisyo ng mga uinit/opisina, at pang-araw-araw na pangangailangan. Ang mga resulta ay magsisilbing karagdagang batayan na hinihingi ng Office of the Vice President for Administration sa kasalukuyang panukala ng Unyon para sa pagpapatuloy ng paggawad ng PDG.
Ang lahat ng sagot ay pananatilihing kumpidensiyal at gagamitin lamang bilang batayan sa panukala ng Unyon.
Ang AUPAEU Cebu Chapter, kauban ang UP Office of the Faculty Regent ug UP Cebu CAFHR (Committee on the promotion and protection of Academic Freedom and Human Rights), nagdapit pagtambong sa forum kabahin sa Academic Freedom ug Human Rights-based University karong ika-19 Oktubre 2026, 1-4PM sa Performing Arts Hall kauban silang Hon. Early Sol Gadong (UP Faculty Regent), Prof. Rommel Rodriguez (AUPAEU National President), ug Prof. Wilfredo Alangui (AUPAEU National Executive Board)
Pahayag ng All UP Academic Employees Union-National sa buwan ng pag-uunyon at ika-25 anibersaryo ng pagtatag ng tunay na MPMU!
Sa pagdiriwang ng 25 taon ng militante, progresibo, at makabayang unyonismo (MPMU), iginigiit ng AUPAEU ang mas mataas at nakakabuhay na sahod para sa mga guro, REPS, kawani, JO/COS, agency-hired at iba pang klase ng manggagawa sa Unibersidad, pagbibigay ng dagdag benepisyo, proteksyon sa kalayaang akademiko, mas malaking budget sa edukasyon, at regularisasyon ng mga kontraktwal.
Sa nakaraang mahigit na dalawang dekada ng ating unyon, mahigpit at lubos tayong kumapit sa prinsipyo ng militante, progresibo, at makabayang unyonismo, na nakaangkla sa paglaban para sa karapatan sa edukasyon at pakikiisa sa mga batayang sektor ng masa.
Ang MPMU ang nagsisilbing pangunahing katangian ng isang unyong tunay na nagtutulak ng interes ng rank-and-file na empleyado at kontraktwal na manggagawa sa usapin ng sahod, benepisyo, kasiguruhan sa trabaho, at mga karapatan. Ang pagiging militante, progresibo, at makabayan ay mga katangiang patuloy na nagpapaalab ng ating sigla at katapatan sa masa, imbis na isuko, ipagbili, o ipagpalit ang ating mga laban katumbas ng mga konsesyon ng administrasyon o estado.
Ibinubuklod din nito ang ating mga lokal na pakikibaka sa mga mas masaklaw na isyu tulad ng burukrata kapitalismo, pyudalismo, at imperyalismo na patuloy na nagpapahirap sa ating bayan. Ang mga salik na ito ang nagpapatindi ng ating mga suliranin bilang mga guro at manggagawa sa sektor ng edukasyon dahil nililikha nila ang sunod-sunod na krisis pang-ekonomiya at pampulitika.
Sa ating pilak na taon, mas lalo pang binawasan ang budget sa edukasyon, na magreresulta sa pambabansot ng sahod; kawalan ng sapat na espasyo, kagamitan, at pasilidad sa ating mga paaralan; pagsasapanganib ng mga karampatang benepisyo tulad ng CNA incentive at serbisyong kalusugan; at lalong paglaganap ng kontraktwalisasyon kung saan mas makakaiwas pa ang estado sa pananagutan nito.
Higit sa kalahati na nga ng hininging pondo ng Unibersidad ang hindi ibinigay sa panukalang budget. Binawasan pa ito ng halos 3 bilyong piso kumpara sa nakaraang taon. Sa kabuuan, ang malaking kaltas sa budget ng Unibersidad at ng iba pang mga state colleges and universities (SUCs) ay magdudulot ng pagbaba sa kalidad ng edukasyon at mas matinding kahirapan para sa mga manggagawa nito.
Tinutulak din ng budget cuts ang Unibersidad na magnegosyo, magbenta, o magpaupa ng mga lupain sa mga paluging kasunduan sa mga pribadong investors tulad ng proyektong SDG Park at mga naunang GyudFood at Dilimall. Ang komersyalisasyon na ito ng edukasyon ang nagpapahina sa responsibilidad ng Unibersidad sa mamamayan dahil sa pag-prioritisa sa kita kaysa sa pagpapaunlad ng akses sa kalidad na edukasyon.
Kapaki-pakinabang sa bulok, pasista, at kurakot na estado ang pagkait sa mga serbisyong panlipunan tulad ng edukasyon. Imbis na pangalagaan ang karapatan sa edukasyon ng bawat Pilipino, mas inaatupag nito ang pagpopondo sa mga atake sa mga aktibista, unyonista, human rights defenders, at iba pang progresibong indibidwal at organisasyon.
Sa 2027 budget, lumaki pa lalo ang pondo ng mga ahensya tulad ng PNP, AFP, at NTF-ELCAC, at napanatili ang confidential at intelligence funds (CIF) ng Office of the President at iba pa. Sa pananakot at pagpapatahimik ng mga lumalaban para sa katotohanan, napapalakas pa lalo ang pagnanakaw ng mga Marcos, Duterte, at ng kanilang mga kasosyong pulitiko. Pinapayabong din ng pasismo ang sabwatan ng mga nasa puwesto at imperyalistang US na kinokontrol ang ekonomiya at pulitika ng Pilipinas para malimas ang yamang likas nito sa anyo ng mga proyektong tulad ng Pax Silica at Luzon Economic Corridor (LEC).
Ang anyo ng panggigipit sa ating unibersidad: harassment at red-tagging ng mga estudyante, guro, at mga organisasyon, at pagpasok ng militar at pulis sa ating mga kampus.
Pinapasok din nila ang ating mga pananaliksik, akademikong programa, at institusyon para makipagkooperasyon, samantalang klaro ang kanilang pakay na programang anti-insurgency na bumabanat sa aktibismo at pag-oorganisa. Kaakibat nito ang paggamit ng batas at lahat ng rekurso ng gobyerno, at ang pagpapalaganap ng kanilang naratibo na terorismo ang pambansang demokratikong pakikibaka.
Kaya mananatiling bahagi ng MPMU ang pagtataguyod ng edukasyong makabayan, siyentipiko, at makamasa para tunay na maitaas ang ating kamalayan sa ugnayan ng mga suliraning ito ng ating lipunan. Hindi tayo makakaalpas sa pagkakaalipin sa mga imperyalista, malalaking dayuhang negosyo at malalaking burgesya komprador, burukrata kapitalista, at panginoong maylupa sa ilalim ng edukasyong nagkokondisyon sa atin na maging maamo at mangmang.
Kailangang maunawaan natin ang sistematikong pananamantala mula sa lokal hanggang sa internasyonal na antas para mahimok silang mag-organisa at kumilos. Esensyal din ang kalayaang akademiko at kalayaan sa pag-oorganisa at pamamahayag para sagupain ang mga atake ng estado. Tumindig tayo para sa ating kalayaang mag-aral, magturo, manaliksik, magsagawa ng pampublikong serbisyo at extension work, at mag-organisa.
Sa paggunita sa mahabang kasaysayan ng MPMU, inaanyayahan ang lahat sa Unibersidad na patuloy na mag-aral, mag-organisa, at makibaka. Palalimin ang ating pag-unawa sa mga isyung kinakaharap ng mga manggagawaโt sambayanan, patatagin ang ating pagkakaisa at organisasyon, at kumilos para sa pagsusulong ng nakabubuhay na sahod, makatarungang benepisyo, mas malaking badyet para sa edukasyon, kalayaang akademiko, at anti-imperyalistang laban.
Sa harap ng patuloy na mga hamon, manatili tayong militante, progresibo, at makabayan sa pagsusulong ng karapatan at kapakanan ng komunidad ng UP at ng sambayanang Pilipino.
Isulong natin ang 50k na entry-level na sahod para sa kaguruan sa buong sektor ng edukasyon, 36k para sa SG-1, itaas ang personnel economic relief allowance (PERA) tungong 5k, ipagkaloob ang 40k professional development grant (PDG), at sapat na year-end incentive para sa mga manggagawang kontraktwal.
Palakasin natin ang ating mga pagkilos laban sa mga anyo ng pasismo at pakikialam ng estado tulad ng red-tagging, terror-grooming, at mga malagim na kasunduan sa pagitan ng ating mga institusyon at militar at pulis.
Paigtingin natin ang ating pakikibaka laban sa imperyalistang US na patuloy na pumapatay sa mga mamamayan ng mga neokolonya at Global South sa pamamagitan ng gutom at gera.
Itaguyod natin ang makabayan, siyentipiko, at makamasang edukasyon.
Magpaka-aktibo sa ating unyon at makiisa sa malawak na hanay ng masa!
The AUPAEU UP MINDANAO Chapter cordially invites all faculty members, staff, REPS, and representatives from all UP Mindanao sectors to attend the highly anticipated
This forum serves as a platform for faculty and REPS to discuss and share their experiences, best practices, and ideas on promoting democratic governance and academic freedom. Don’t miss this opportunity to engage with fellow educators and stakeholders of our university!
Join us on ๐๐ ๐๐๐ญ๐จ๐๐๐ซ ๐๐๐๐ from ๐:๐๐ ๐๐ to ๐:๐๐ ๐๐ at the ๐๐๐๐ ๐๐๐. Mark your calendars, and we look forward to seeing you there!
PANDAY MALAY ED SERIES 2: Academic Freedom, Democratic Governance and Human Rights in the University, matagumpay na naisagawa!
Matagumpay na naisagawa ang Panday Malay Educational Discussion Series 2 noong Lunes, Oktubre 12, 2026 sa UP Open University Headquarters at live na napanood sa official Facebook pages ng Acad Union LB at Acad Union OU Chapter.
Sa nasabing educational discussions, unang tinalakay ni Prop. Willy Alangui, National Auditor ng Acad Union ang kahalagahan at mga hamon sa pangangalaga sa akademikong kalayaan sa UP. Gayundin, naging mayaman ang diskusyon ni Faculty Regent Early Sol Gadong sa usapin ng Demokratikong Pamamahala sa Unibersidad bilang pamantasan ng sambayanan. Sinundan naman ni Prop. Rommel Rodriguez, Pangulo ng Acad Union ng makabuluhan na bahaginan sa karapatang pantao sa sektor ng edukasyon at integrasyon nito sa kurikulum.
Nagbigay ng reaksyon at muni ang mga union representative mula sa Acad Union LB na sina Mr. Jeric Villanueva at Mr. Emil Lat na bahagi ng chapter council ng LB Chapter.
Antabayanan ang huling serye ng ating educational discussion sa Oktubre 26, 2026.
Ang gawain na ito ay bahagi pa rin ng pag-aaral at pakikibaka ng akademikong sektor sa Unibersidad. Mabuhay ang Militante, Progresibo at Makabayang Unyonismo!
Implementasyon ng CNA at Panawagan para sa 40K PDG, patuloy na ikinakampanya ng ating unyon.
Kasabay ng ating mga gawain ngayong Academic Union month ang pag-ikot ng ating pambansang opisina sa mga constituent universities ng Unibersidad ng Pilipinas.
Muling nakapagsagawa ng dayalogo ang ating unyon kina University of the Philippines Open University Tsanselor Joane Serrano at University of the Philippines Los Banos Tsanselor Dong Camacho upang maging katuwang ang kanilang administrasyon sa implementasyon ng ating Collective Negotiation Agreement at pagsasagawa ng CNA orientation para sa mga administrador. Hiniling din natin ang kanilang suporta sa ating kampanya para sa 40K Professional Development Grant na isinusulong natin ngayong taon.
Bukod dito, nailatag din natin sa mga isinagawang dayalogo, partikular sa UP Los Banos ang pagbuo/rekonstitusyon ng Committee on the Promotion and Protection of Academic Freedom and Human Rights (CAFHR), ang pagkakaroon ng Union Representation sa mga DAPC at CAPC, at suporta para sa institusyonalisasyon ng Faculty Welfare Council.
Nakasama rin ng ating unyon si FR Early Sol Gadong bilang pakikiisa sa ating mga kampanya at panawagan sa naging pagbisita natin sa OU at LB.
Magpapatuloy ang serye ng dayalogo ng ating unyon sa iba’t ibang pamunuan ng mga CUs ngayong buwan ng Oktubre bilang bahagi ng ating Ikot Unyon at pagdiriwang ng ating ika-25 taong anibersaryo.
